МРТ објави конкурс за претставник на Евровизија 2018

МРТ објави конкурс за претставник на Евровизија 2018


МРТ како носител на лиценцата, на 25 јануари 2018 објави, конкурс за Избор на претставаник за Песна на Евровизија 2018. На својата официјална страница објави јавен повик до сите заинтересирани за учество на Евровизија, кој гласи:
Македонската Радио Телевизија упатува јавен повик за избор на композиција којашто ќе ја претставува Р. Македонија на претстојниот Избор за Песна на Евровизија 2018 во Лисабон, Португалија.
Се покануваат авторите и музичките продуценти од Р.Македонија и пошироко, да ги достават своите музички предлози (во демо или финализирана верзија) и со својот креативен труд да учествуваат на јавниот повик, со цел да се избере најдобрата песна претставничка за Лисабон 2018.
Предлог композициите се доставуваат на следната e-mail адреса:eurosong.macedonia@gmail.com или на адреса: Македонска Радио Телевизија, бул.Гоце Делчев бр. 18, 1000 Скопје, Р.Македонија, со назнака ЗА ЕВРОСОНГ 2018.
Во прилог, ве молиме да ги доставите следните информации:
1) Имиња на авторскиот тим,
2) Кратка професионална биографија од авторите,
3) Наслов на композицијата,
4)Текст,
5) Контакт од членовите на авторскиот тим,
6) Релевантен линк од ваша веб страна или некој од социјалните медиуми (Facebook, Twitter, итн).
Согласно Правилата на ЕБУ, предлог композициите задолжително се во траење до најмногу 3 минути и во никој случај не смеат да бидат претходно објавени или јавно изведени.
Македонската Радио Телевизија како носител на лиценцата за Избор на Песна на Евровизија , донесе одлука за формирање на релевантно професионално жири, коешто ќе има за цел избор на композиција, а врз основа на избраната композиција, ќе предложи и изведувач или група изведувачи, коишто истата ќе може најдобро да ја исполнат на евровизиската сцена.
Членовите на авторскиот тим на одбраната композиција, ќе бидат лично контактирани од страна на Македонската Радио Телевизија, за понатамошно исполнување на процедурата за соработка и договор.
Македонската Радио Телевизија својата финална одлука ќе ја објави по резултатите од работата на жири комисијата.
Јавниот повик е отворен до 8. февруари 2018 година.

Речиси сите досегашни македонски претставници имаат настапувано на „Охрид фест“, на почетокот на кариерата, или во екот на популарноста, но и многу претавници од Балканот и пошироко , Тоше Проески, Каролина,  Тамара, Адријан Гаџа, Мартин Вучиќ,  Ѓоко Танески, Влатко Илиевски, Владо Калембер, Деби Шери, Нуша Деренда,  „Нови фосили“, Марио Тофу и други.

Основачот и директор на “Охридски трубадури- Охрид фест“, господинот Григор Копров, е автор на првата македонска евровизиска претставничка песна „Не зори зоро“– Владо Јаневски и уште на неколку други евровизиски песни.

Валентина Ѓоргиевска Парго

Вашето мислење